Navigeer ons Webwerf
Drie fokusareas vir 'n meer pasgemaakte gebruikerservaring.
Agri-ekonomiese dienste | Verskaf deur
ACS
Wie ons is
Deur Agri Credit Solutions bied Senwes agri-ekonomiese dienste aan produsente ten einde hulle te bemagtig om ingeligte oesbeplannings- en finansiële besluite te neem, wat tot groter doeltreffendheid en winsgewendheid in boerderybestuursontleding lei. Hierdie dienste staan gesamentlik bekend as die Senwes E-Buro.
Laai Brosjure afWat ons bied
Die Senwes E-Buro bied 'n reeks dienste, insluitend omvattende boerderybestuursontledings, winsgewendheidsanalises vir vee- en gewasvertakkings, vergelykings plaaslik en internasionaal, gelykbreekontledings om te help met graanprysbestuur en verskeie ontledings soos finansiële doeltreffendheids-, meganisasie- en arbeidsontledings om die doeltreffendheid en winsgewendheid van jou boerdery te help optimaliseer.
Produkte en Dienste
Handelsmerk
Produkte en Dienste
Boerderybestuursontledings (E-Buro)
Die doel van 'n boerderybestuursontleding is om 'n finansiële prestasie- en tegniese doeltreffendheidsverslag vir die kommersiële produsent saam te stel, ten einde die operasionele aspekte van die boerdery te meet en te vergelyk en sodoende die doeltreffendheid, effektiwiteit en volhoubaarheid van die onderneming te verbeter. Die boerdery se prestasie word jaarliks gemeet oor 'n produksieperiode wat strek vanaf 1 September tot 31 Augustus.
Winsgewendheidsanalise
Die Senwes E-Buro doen winsgewendheidsanalises op gewas- en veevertakkings. Dit behels die vasstel van gelykbreekpunte van elke vertakking en die vergelyking daarvan met ander boere. Die winsgewendheid van elke vertakking word ook geëvalueer om te bepaal of hulle optimaal benut word in die boerdery. Die geïdentifiseerde gelykbreekpunte en tendense kan vervolgens gebruik word om graanpryse te bestuur en risiko's te verminder.
Doeltreffendheidsanalise
Die Senwes E-Buro bied 'n reeks dienste om die doeltreffendheid van jou boerdery te help optimaliseer. Dit sluit in die ontleding van die opbrengs op jou boerdery se kapitaal, die handhawing van positiewe winsmarges, die evaluering van die kritiese skuldlas en die meting van die produktiewe aanwending van kapitaal in jou boerdery.
Die E-Buro bied ook arbeidsontleding, wat insig gee in die effektiewe benutting van arbeid op jou plaas. Boonop kan meganisasiedoeltreffendheid met medeboere vergelyk word om areas vir verbetering te help identifiseer en dit verhoog jou plaas se algehele doeltreffendheid.
Met die Senwes E-Buro kan jy ingeligte besluite neem en proaktiewe stappe in plek sit om jou boerdery se doeltreffendheid, winsgewendheid en langtermynsukses te verbeter.
Rekeningkundige Ondersteuning
Die rekeningkundige ondersteuning-span speel 'n deurslaggewende rol in die verseker van akkurate finansiële rekordhouding vir boere. Verhoog die finansiële sukses van jou plaas met ons gespesialiseerde rekeningkundige ondersteuning en programdienste, spesifiek aangepas vir jou besigheidsbehoeftes.
Deur gebruik te maak van die nuutste sagteware, kan jy op-datum finansiële data behou, wat ingeligte besluitneming en strategiese beplanning vir die toekoms van jou plaas moontlik maak. Ons doel binne die Landbou-ekonomie afdeling is om die finansiële lewensvatbaarheid en volhoubaarheid van ons boere se bedrywighede te verbeter, en te verseker dat hulle goed toegerus is om ekonomiese uitdagings te navigeer en groeigeleenthede te benut.
Ons help graag
Wat is jou behoefte?
Vir persoonlike en professionele boerderybestuursanalise en ondersteuning, kontak die Senwes E-Buro.
- Boerderybestuurontledings
- Winsgewendheid
- Effektiwiteit
